UAGUT - KALAALLINUT DANMARKIMIITTUNUT NUNA TAMAKKERLUGU KATTUFFIK illuinnaasiorneq, isummereersimaneq aamma peqatigiinneq pillugit nuannersumik unneqqarissumillu oqaloqatigiinnissamut qaaqqusivoq, ilisimasat oqaloqatigiinnerlu aqqutigalugit qanoq ataatsimoorluta allanngueqataasinnaanerluta isumassarsianik paarlaasseqatigiinnissamut inissaqartitsilluta. 

Kalaallit Danmarkimi naapitsisarnerat pillugu tusarnaariarit - misilittakkat, isummereersimanerit immitsinnullu qanilliartornissatsinnut allornerit annikitsut. Naapitsisarnerit qanoq iliuuseqarfigineqarsinnaanersut pillugit oqaloqatigiinnermut peqataagit. Nerisassaqassaaq, erinarsortartoq Karina Møller tusarnaartitsissaaq kiisalu erinarsoqatigiit Aningaaq erinarsoqarigisinnaavatit. Takunissat qilanaaraarput!

Program

• 16.30: Matut ammarneqassapput

• 17.00: Uagut-mi siulittaasoq Julie Rademacher aamma Aarhusimi Kalaallit Illuanni pisortaagallartoq Marie Kahlig tikilluaqqusissapput kiisalu Aningaaq peqatigalugit erinarsoqatigiittoqassalluni

• 17.10: Uagut suua? Julie Rademacherimit

• 17.20: Kalaallit inuusuttut Danmarkimi naapitsisarnerminni paasinnittaaseqannginnermik, assigiinngisitsinermik ataqqinninnginnermillu nalaataqartarput, Pia Barlaj

• 17.40: Tusarnaartitsineq, Karina Møller

• 17.50: Oqaloqatigiitta – Kuluk Helms, taalliortoq inuk-qallunaaq, kulturimik tigummiartoq aamma CEARC-imi, Université Paris-Saclay-mi ph.d.-liortoq

• 18.00: Nereqatigiinneq oqaloqatigiinnerlu

• 18.45: Eqikkaaneq

• 19.00: Unnummut qujanaq, Aningaaq peqatigalugu erinarsoqatigiinneq

• 19.30: Matut matuneqassapput

Danmarki tamakkerlugu aaqqissuussinerit arfinillit siullersaraat. Aarhusimut, Esbjergimut, Randersimut, Odensemut Københavnimullu tikinnissarput pilersaarutigaarput.

Sammisaq:

Kalaallit inuusuttut Danmarkimi naapitsisarnerminni paasinnittaaseqannginnermik, assigiinngisitsinermik ataqqinninnginnermillu nalaataqartarput – saqqumiisoq Line Vikkelsø Slot, Danmarkimi inuit pisinnaatitaaffii pillugit ilisimatusarfimmi siunnersortitut pisortaq

Saqqummiineq Danmarkip kalaallinut immikkut pisussaaffiinit aallaaveqarpoq, tamatumanilu kalaallit ilinniagaqartut Danmarkimi ilinniartuunerminni misilittagaannik misissuinermik imaqarluni. Ilaatigut inuusuttut isummereersimanermik immikkoortitsinermillu misilittagaannik. 

Kuluk Helms:

Kuluk Helms, taalliortoq inuk-qallunaaq, kulturimik tigummiartoq aamma CEARC-imi, Université Paris-Saclay-mi ph.d.-liortoq Misissugarivai kulturikkut periaatsit, pissaaneqarnerup dynamikkia aammalu tamanna inuit imminnut oqaluttuaannut, ilaasutut/ilaanngitsutut misiginermut qanoq sunniuteqarsinnaanera. Kuluup taalliani katersat Min Sjæl Har Vokseværk aqqutigalugit Reykjavik International Literary Festivalimut (Island), Tbilisi International Festival of Literature-mut (Georgia) aamma Bókadagarimi atuakkiornermik festivalimut (Savalimmiuni) peqataasimavoq, tassani taalliani atuarsimallugit panelinilu oqallinnernut peqataasimalluni. Suliai inuit attaveqaataanni aamma nittartagaani kulukhelms.com-imi malinnaavigineqarsinnaapput

Karina Møller:

Karina Møller erinarsortartuuvoq, isiginnaartitsisartoq erinniortoq aamma isiginnaartitsisartunut ilitsersuisoq ilinniartitsisorlu.

Nipilersoqatigiinni Pamyua-mi Suluit-milu peqataavoq kiidslu kisimiilluni tusarnaartitsisarluni. Eqqumiitsuliortuunermi saniatigut pinngortitamut piniarnermullu piffissaqarluarneq nuannaraa. Pinngortitamut, kalaallinut inuiaqatigiinnut attaveqarneq aammalu kingunerlutsitsinernik ajorunnaarsaaneq pillugit misilittakkani ilisimasanilu oqaluttuarai. 

Aningaaq:

Koret Aningaaq, najukkami kalaallit erinarsoqatigiit kalaallit erinarsuutaannik nuannersunik erinarsortartut.