PEQATIGIIFFIK UAGUT, AALBORG-IMI KALAALLIT ILLUUTAAT AAMMA PEQATIGIIFFIK TIKIUSAAQ ’OQALLISEQATIGIINNEQ – I DIALOG MED OS #2’-MUT QAAQQUSIPPUT

Decembarip 11-ianni nal. 16.00 – 18.30 oqalliseqatigiinnermi peqataagit. Nuannisaqatigiilluta isumat pigiliutiinnakkat peqatigiinnerlu oqallisigissavagut. Ilisimatusarnikkut oqaloqatigiinnikkullu qanoq allannguisoqarsinnaanersoq isummersueqatigiissaagut. 

PILERSAARUT: 

15.30: Matut ammassapput

16.00: UAGUT-imi siulersuisoq Julie Rademacher aamma Kalaallit Illuutaanni pisortaq Jeppe Bülow Sørensen tikilluaqqusissapput

16.10: Arsarnerit Aalborg peqatigalugit erinarsoqatigiinneq

16.20: ’UAGUT suua?’ UAGUT-imi siulittaasoq Julie Rademacher peqatigalugu

16.30: ’Oqaluttuat piviusunngoraangata – Kalaallit Danmarkimi najugallit pillugit isumat pigiliutiinnakkat’ atuakkiortoq aamma cand.pæd. Per Kunuk Lyberth-Lynge peqatigalugu. 

17.00: Pause

17.10: Karina Møller tusarnaartitsissaaq

17.20: ’Oqaloqatigiitta – Lad os snakke sammen’ Kuluk Helms, taalliortoq affarmik kalaaleq, kulturikkut immikkut ilisimasalik taavalu CEARC-imi, Université Paris-Saclay-imi ph.d.-imik ilinniartoq

17.40: Nereqatigiinneq oqaloqatigiinnertalik

18.20: Eqikkaaneq 

18.30: Ullumikkut qujanaq – Arsarnerit Aalborg peqatigalugit erinarsoqatigiinneq

19.00: Matut matussapput

Qaqugu: Decembarip 11-iat nal 16.00 – 19.00 (nal. 15.30 matut ammassapput)

Sumi: Aalborgimi Kalaallit Illuutaat, Vesterbro 70, 9000 Aalborg

Nerisassat imigassallu sassaalliutigineqassapput. Peqataaneq akeqanngilaq. Nereqataasussat amerlassusaat nalunnginnerussagatsigu https://forms.gle/8QpBFCj31Q8EUtK56 aqqutigalugu nalunaarnissaq piumasaqaataavoq. 

Aalborg-imi oqalliseqatigiinnissarput tassaavoq Danmarkimi ataatsimiisitsinissani arfiniliusuni ataatsimiisitsinissatta aappaat. Esbjerg-imi, Randers-imi, Odense-mi København-imilu ataatsimiisitsinissarput aamma pilersaarutigaarput. 

Peqataasussat pillugit: 

Karina Møller: Karina Møller tassaavoq kalaaleq erinarsortartoq, isiginnaartitsisartoq taalliortorlu. Tamanna saniatigut isiginnaartitsisarfimmi ilitsersuisutut sulisarpoq. Erinarsoqatigiinni Pamyua-mi aamma Suluit-ni erinarsortartuuvoq, ilaatigut kisimi tusarnaartitsisarluni. Erinarsortarnerup isiginnaartitsisarnerullu saniatigut pinngortitamiinneq piniarnerlu soqutigisarai. Pinngortitamiinneq, inuiaqatigiit kalaallit aamma ajoqusernermik kingunerlutsitsinerit (trauma) pillugit misilittakkani ilisimasanilu eqqartussavai.  

Kuluk Helms: Kuluk Helms tassaavoq taalliortoq affarmik kalaaleq, kulturimik immikkut ittumik ilisimasalik taavalu CEARC-imi, Université Paris-Saclay-imi ph.d.-tut ilinniartoq. Alapernaalluni paasinnillunilu kulturikkut pissutsit, pissaanikkut assigiinngissutsit kulturimullu atassuteqarnerup inuup kinaassusaanut qanoq sunneeqataasarnera misissortarpai. Taalliai ’Min Sjæl Har Vokseværk’-imi saqqummerneqarsimasut pissutigalugit Kuluk ’Reykjavík International Literary Festival’ (Islandi)-imi, ’Tbilisi International Festival of Literature’ (Georgia)-imi aamma atuakkiornermik festivalimi ’Bókadagar’-imi (Savalimmiut) peqataasimavoq. Festivalini taakkunani taalliaminik atuffassivoq oqalliseqatigiinnermilu peqataalluni. Sulisarnera inoqatinut attaveqaatikkut (social media) nittartagaatigullu www.kulukhelms.com-ikkut malinnaavigineqarsinnaapput. 

Per Kunuk Lyberth-Lynge: Per Kunuk Lyberth-Lynge-p, FD, M.Ed aamma cand.pæd, oqaluttuarisaanikkut isiginnittaatsit, tusagassiutit ilanngutassiisarnerat aamma qallunaat ulluinnarni kalaallinik naapitsisarnerat kalaallit Danmarkimi najugallit pillugit isiginnittaatsimut qanoq sunneeqataasarnersut eqqartussavai. Saqqumiinermini Kalaallit Nunaata nunasiaatigineqarsimanera, qallunaat kalaallit pillugit oqaluttuai, kalaaliussuseq aamma assigiinngisitsineq pillugit erseqqissumik assigiinngisitaartumillu paasisaqarnerulersissavaatigut. Saqqummiinerata pissutsit ukua qallunaat politikkiatigut oqaloqatigiittarneratigullu qanoq suli sunniuteqartartut aamma takutissavaa. 

Isiginnittaatsit qanoq allanngortinneqarsinnaanersut taavalu kalaallit Danmarkimi immikkoortitaasarnerat qanoq unitsinneqarsinnaanersoq eqqartussavagut. 

Erinarsoqatigiit Arsarnerit Aalborg: Arsarnerit Aalborg tassaapput kalaallit erinarsoqatigiit tusarnaartitsisartut. Erinarsoqatigiit ilaatigut ilisinermi toqusoqalernermilu tussiartarlutillu erinarsortarput. Tamanna saniatigut erinarsoqatigiinneq aamma kalaallit kulturiat pillugit assigiinngitsunik sammisassaqartitsisarput. 

Peqatigiiffik Tikiusaaq: Peqatigiiffik Tikiusaap kulturikkut assigiinngissutsit paasisaqarfiginerulernissaat suliniutigaa, kulturikkullu naleqartitat aallaavigalugit assigiinngitsunik sammisassaqartitsisarluni. Peqatigiiffiit inuinnaallu suleqatigalugit tamanna pisarpoq.