Suleqatigaagut:

Kalaallit Illuutaat tassaapput Kalaallit Nunaannut attuumassuteqartunut, Kalaallit Nunaat pillugu imaluunniit Kalaallit Nunaanni pissutsit pillugit paasissutissanik ujaasisunut saaffissat. Illut ilinniartitaanikkut siunnersuinermik, isumaginninnikkut siunnersuinermik nutserinermillu neqerooruteqarput kiisalu kalaallinut Danmarkimiittunut kulturikkut katersuuffittut atuuffeqarlutik.

Assigiinngisitsisoqarnera misigisimagukku Assigiinngisitsisoqarnerani saaffiginnittarfimmut sianernikkut Inuit Pisinnaatitaaffii pillugit Ingerlatsivimmit siunnersorneqarsinnaavutit. Suiaassuseq, ukiut, inuiaassuseq, innarluuteqarneq il.il. peqqutigalugit assigiinngisitsisoqarsimappat sianerfigalugit inatsisitigut ikiorserneqarsinnaavutit.

Stenbroens Jurister oktober 2024 aallarnerfigalugu qallunaatut inatsisitigut siunnersuisarnermik saniatigut Qallunaat Nunaanni kalaallisut inatsisitigut siunnersuineq neqeroorutigisinnaanngornikuuat. Kalaallisut inatsisitigut siunnersuineq piffinni inatsisileriffiusuni tamani ingerlanneqartarpoq. Siunnersuineq qanigisaasunut aammalu sullissisuusunut killilimmik ingerlattarparput. Aammattaaq paasisitsiniaanerit assigiinngitsut inatsisinut aammalu pisinnaatitaaffinnut tunngasut ingerlatillattaasarpagut. Piffissamik inniminneeqqaanngikkaluarlutit oqarasuaatitigut attavigisinnaavatsigut, imaluunniit inatsisitigut siunnersuisarfitta allaffiani Københavnimi Aarhusimulluunniit ornigullutit, aammalu marlunngornerit tamaasa Københavnimi Kalaallit Illuutaanni.

Kalaallit Napparsimasut Illuata napparsimasut ilaqutaasullu Kalaallit Nunaanneersut, Danmarkimi napparsimmavimmi uninnganerini kingornalu, imaluunniit nakorsamit misissortikkiartortut inissinneqarnissaat pingaarnertut suliassaraat. Napparsimasut Illuanni aamma siunnersuisoqarlunilu ilitsersuisoqartarpoq.

Kalaallit Nunaata Sinniisoqarfia Nalaakkersuisunut, Inatsisartunut, qitiusumik ingerlatsivimmut, Namminersorlutik Oqartussat suliffeqarfiutaannut kommuninullu sullissisarput, ilaatigut suliassat Danmarkimi imaluunniit Danmarkimiit suliarineqarnissaannut naleqqunnerusutut isigineqartut suliarisarlugit. Sinniisoqarfik Kalaallit Nunaanni Namminersorlutik Oqartussanut Danmarkimi attaveqarfiuvoq kalaallillu soqutigisaannik suliaqartarluni.

Tusarfik nutaarsiassaqartitsiviuvoq, kalaallinullu Danmarkimi najugalinnut pisortallu suliffeqarfiutaannut kalaallinut Danmarkimi najugalinnut ilisimasaqarnerulerusuttunut sammitinneqarluni.

Inuit Danmarkimi kalaallit peqatigiiffiinut 20-t missaanniittunut kattuffiuvoq. Peqatigiiffiup najukkani kalaallit peqatigiiffiinut tapersersuisarpoq, pikkorissartitsisarluni, peqatigiiffinni aqutsinermut ikiuutaasarluni kiisalu nuna tamakkerlugu aaqqissuussanik ingerlatsisarluni.

Kalaallit Danmarkimiittut ilinniagaqartut toqqissisimasumik tamatigoortumillu ataatsimoorfissaannik pilersitsivugut.