Isumaliortitaq Justitia-p innuttaasut kalaallit Danmarkimi kommuneqarfinnit qanoq pineqartarnersut misissorsimavaa. 

Misissuinerup takutippaa kalaallit inatsisitigut isumannaatsuunerat kommuneqarfimmut atassuteqartartoq – kommunit amerlanerit kalaallinut immikkut ittumik pilersaaruteqanngimmata. 

Tamanna kalaallinut amerlasuunut nutaarsiassaagunanngilaq. Justitialli misissuineratigut oqaloqatigiinnissamut, kommunini ilinniarsimasunik sulisoqarnissamut, nutserisoqarnermut periaaseqarnissamut kiisalu kalaallit ilanngunneqartarnissaannut tunngaveqalersimavoq. 

Nalunaarusiaq innuttaasut kalaallit, kommunimi sulisut, peqatigiiffiit, Danmarkimi kommunit 98-it tamaasa suleriaasaat pillugit paasitinneqarsinnaatitaaneq kiisalu Danmarks Statistik-imit naatsorsuutit aqqutigalugit sananeqarsimavoq. 

Nalunaarusiap inernerit tunngaviusut arfinillit siunnersuutitallit imarai – tamanna nutserisoqarnermut, kalaallisoortitsinermut kiisalu meeqqanik angerlarsimaffiup avataanut inissiisarnermut siunnersuisoqatigiinnermullu atassuteqarpoq. 

Tamanna saniatigut nalunaarusiaq kommunit maannakkut pilersaarutaannut isumassarsiornermut siunnersuutinik aamma imaqarpoq. 

Siunnersuutigaarput inuit namminneq nalunaarusiaq atuassagaat. Eqikkarnera, aallarniut, inernera kiisalu siunnersuutit kalaallisut aamma pissarsiarineqarsinnaapput. 

Nalunaarusiaq kalaallisut una toorlugu atuarneqarsinnaavoq.