Spiralilersuineq akuerineqarsinnaanngilaq – oqaluttuarisaanermi, ullumikkut siunissamilu.

Elisa Christiansen-ip aamma Uagut-ip Arnat Spiralilersuinermi Eqqugaasimasut Danmarkimi Najugallit Attaveqaqatigiiffiata allataat

Ullumikkut ulloq uatsinnut oqaluttuarisaanermilu pingaaruteqarluinnarpoq. 

Pisimasut soorunami allanngortinneqarsinnaanngillat, aningaasammi aqqutigalugit pereersut allanngortinneqarsinnaanngimmata. 

Inatsip atulersinneqarnera arnat niviarsiaqqallu spiralilersuinermi eqqugaasimasut eqqunngitsumik pineqarsimanerannut uppernarsaataavoq. 

Arnat niviarsiaqqallu namminneq timiminnik aalajangiisinnaatitaanerat eqqunngitsiliorfigineqarsimaneranut aamma uppernarsaataavoq. 

 Nipivut misigisimasavullu tusaaneqarnissaat uatsinnut pingaaruteqarluinnarpoq. 

Taamani ajortuliorneruvoq. Ullumikkut aamma ajortuliorneruvoq

Arnat niviarsiaqqallu Nunatsinneersut namminneq akuerseqqaaratik spiralilersorneqarsimapput. Namminneq aalajangernikuunngisaminnik timikkut siunissaminnilu kinguneqartussamik sunnerneqarsimapput – ilaatigut kalaaliunerat Nunatsinnullu atassuteqarnerat pissutigalugit. 

Oqaluttuarisaanermi ajortuliorneruvoq. 

Ullumikkut ajortuliorneruvoq.

Siunissami taamatut pisoqaqqissagaluarpat aamma ajortuliornerussaaq.

Sumiluunniit taamatut pisoqaqqinngisaannassaaq. 

Tamanna uatsinnut tunngaviusumik isumaqarpoq: Inuup nammineq timini, kajungissutsini kiisalu inuunini pillugit aalajangiisinnaatitaanera pineqarpoq. 

Eqqugaasimasut ilaat inuunerup tamaat misigisimasaat aamma pineqarput. 

Ilaqarpugut inuusuttuunikuunngisaannartut, ilaatigut ilaqutartaarnissaminnut meerartaanissaminnulluunniit kissaatitik piviusunngortinngitsoorsimagaat. 

Ikit itisuut takuneqarsinnaanngitsut. 

Misiginarpoq inuit allat timivut ajornartorsiutitut isigalugit atorsimagaat. Niviarsiaqqat arnallu eqqugaasimasut tamassuma kinguneri misigisimavaat. 

Taarsiissutit pereersut allanngortissinnaanngilaat – eqqugaasimasulli misigisimasaat pillugit ataqqinninnermik takutitsisinnaapput. 

Taarsiissutit uatsinnut qanoq isumaqarnerat, qanorlu isumaqannginnerat, pillugu oqaaseqarnissarput pingaaruteqarpoq. 

Ukiut annaasimasavut uteqqissinnaanngillat. Taarsiivigineqarnissamut periarfissinneqarnitta spiralilersuinerup timitsinnut sunniuteqarsimanera allanngortissinnaanngilaa. 

Taarsiivigineqarnerup eqqugaasimasut ilaat ilaqutartaarnissamut meerartaarnissamullu kissaataat piviusunngortinneqarsimannginneri allanngortissinnaanngilai. 

Taamaakkaluartorli taarsiivigineqarsinnaanngornerput ataqqinninnermik takutitsisivoq; spiralilersuinerup ajortuusimaneranut takussutissaataammat.

Aningaasat ukiut uterteqqissinnaanngilaat. Siunissamulli aqqutissiuisinnaapput.

Inuiaqatigiittut oqaluttuarisaanitsinni ajortuliornerit arnallu eqqugaasimasut akisussaaffittut tigujumanerlutigit uani pineqarpoq.  

Arnat ukiorpassuit tusaaneqarnissaminnut utaqqisimasunut oqariartuutaavoq: 

Upperivatsigit. Pisimasut takuagut. Ajortuliortoqarsimanera takuarput. 

Tamanna pingaaruteqarpoq. 

Iliuuseqarnerpulli tamaani uninnavianngilaq.

Oqaaseqartikkusukkutsigut, assinik allanilluunniit pissarsiaqarusukkuit presse@uagut.dk allaffigissavat. Julie Rademacher aamma sianerfigisinnaavat: (+45) 29 92 21 10