Uagut-imi kajumissutsiminnik sulisut pissutigalugit kommunalbestyrelsit, regionsrådit, Folketingip, EU-parlamentip, EU-kommissionip kiisalu partiit peqatigiiffii assigiinngitsut akornanni kalaallit Danmarkimi najugallit pisinnaatitaaffii pillugit paasititsiniaasimavugut.

Oqaatsitigut kulturikkullu pisinnaatitaaffiit anguniarlugit oqariartuuteqarsimavugut. Kommunini najugaqarfitsinnilu ilanngunneqarnissarput aamma oqariartuutigisimavarput. Tusaaneqarsimasutut misigivugut. 

Politikkimut siunnersuutinik allagartaaqqanut allattuisimavagut. Peqataasimasut amerlasuut allagartaaqqanik angerlaassisimapput. 

Nunatta ukkatarineqarnerata kalaallit Danmarkimi najugalinnut ajunngitsumik sunniuteqarnissaanut allannguisoqarnissaanullu atorneqarnissaa pingaaruteqarluinnarpoq.  

Sammisassaqartitsinerni peqataasut nuannisarsimaqaat, oqariartuutigisimasavullu ersaripput. Peqatigiiffitta partiinut immikkut ittunut atassuteqannginnera erseqqissarusupparput. 

Partiinut tamanut paasititsiniaajumavugut, politikerillu tamaasa ataatsimeeqatigerusuppagut. 

Tusarnaartunut apeqquteqarsimasunullu tamanut qujanaq – qujanaq Socialdemokratiet-ip ukiumoortumik ataatsimiinneranut atatillugu paasititsiniaasinnaasimagatta. 

Kajumissutsiminnik sulisunut tamanut qujanarujussuaq. Peqatigiiffik Tikiusaaq aamma qutsavigerusupparput. 

Susassaqartitsinerit suleqatigiinnerlu aqqutigalugit kalaallit Danmarkimi najugallit nukittorsarpavut. 

Kajumissutsiminnik sulisut: 

Rose Marie

Ivalo Lyberth

Paninnguaq Falck-Petersen

Palle Frederiksen

Kaali, Ineqi & Helle