Uagut-ip Danmark-imi tusagassiuutit kalaallit pillugit allaaserisarnerat misissorpaa
21. maj 2026
Maajip 20-iani 2026 Uagut-ip misissuineq apeqqutitalimmik (spørgeskemaundersøgelse) kalaallit nutaarsiassanik malinnaasarnerat, pisariaqartitsisarnerat kiisalu Danmark-imi tusagassiuutit ilanngutassiisarnerat pillugit isiginnittaasaat misissorniarlugit saqqummiussivoq
Misissuinerup kalaallit Danmark-imi najugallit qallunaat tusagassiuutaat pillugit isiginnittaasaat missussavaa. Tusagassiuutit Kalaallit Nunaat kalaallillu pillugit allaaserisarnerat itinerusumik misissorneqassaaq.
Qallunaat tusagassiuutaat sutigut ajunngitsumik allaaserisarnersut, sutigut pitsarsarneqarsinnaanersut kiisalu maannakkut ilanngutassiisarnerat kalaallinut naammaginarnersut misissorneqassaaq.
Misissuineq apeqqutitalik Uagut-ip itinerusumik misissuineranut ilaavoq, misissuinermilu tassani tusagassiuut Tusarfik aamma ilaavoq. Misissuinermut atatillugu tusagassiuutit ajunngitsortaat ajortortaalu pillugit paasissutissanik katersisoqassaaq.
Misissuinerup inerneri Uagut-ip kalaallit Danmark-imi najugallit pisinnaatitaafii periarfissaalu pillugit suliaqarneranut atorneqassapput.