Inuit tuusintilikkuutaat Erfalasorput tigummillugu ippassaq qajartoqatigiit malinnaavigisimavaat. Qajartoqatigiit Nordatlantens Brygge-mit aallarsimapput, ilaatigut Ofelia Plads kiisalu Sandkaj aqqusaarsimallugit. 

Qajartoqatigiinneq FN-ip Nunat Inoqqaavisa Ulluannut atatillugu aggustip 9-iani 2026 ingerlanneqarsimavoq. Qajartoqatigiinnerup aallartinneqarnerani Julie Rademacher – Uagut-imi pisortaq – oqalugiarsimavoq. Uagut kiisalu Mellemfolkeligt Samvirke qajartoqatigiinnissamik aaqqissuussisuupput.

Tamanna kingorna Qarsoq Høegh-Dam (N) kalaallisut oqalugiarsimavoq. Oqalugiareermat nipilersoqatigiit Inuánima – Aviaja Lumholt aamma Igor Rado – umiarlummi tusarnaartitsisimapput isiginnaartitsisartoq erinarsortartorlu Nukâka Coster-Waldau nipilersortartorlu Kristoffer Jul peqatigalugit. 

”Qaannat kalaallit kulturiannut kinaassusaannullu ilisarnaataapput. Ukiut tuusintilikkuutaat ingerlaneranni Kalaallit Nunaanni inuunermut atassuteqarsimapput. Saniatigut qajartorneq Danmark-imi sunngiffimmi nuannarineqarluartarpoq, maannakkullu Kalaallit Nunaat kalaallillu kulturiat soqutigineqaraluttuinnarput. Taamaattumik qajartornerup inuit ataatsimoortinnerulertarpai, ilaatigut Kalaallit Nunaata Danmarkillu akornanni inuttaasut ataatsimoortinnerulertarlugit," Uagut-imi pisortaq Julie Rademacher oqarpoq.

Ofelia Plads-imi Andreas Keil, København-imi Suliffeqarnermut, Akuutitsinermut Inuussutissarsiornermullu borgmesteri oqalugiarpoq. Oqalugiarnerata kingorna umiarlummi tusarnaartitsisoqaqqissimavoq. 

Qajartoqatigiit Sandkaj-imi Nordhavn-imi taamaatissimapput. Naammassinerani Mellemfolkeligt Samvirke-mi generalsekretæri Tim Whyte oqalugiarsimavoq. 

Uagut-ip suleqatini tamaasa qutsavigai:

Kalaallit Nunaata sinniisoqarfia
Kalaallit Illuutaat - København (Sumut)
Stromma
Nordjyllandsfonden
Kajakhotellet
Kajakbar
Dansk Kano & Kajakforening
Qajaq København
By & Havn
Fællesforeningen Inuit
Broens Streetfood
Nordatlantens Brygge
Kulturdistriktet
Ofelia Plads