Uagut-imi siulittaasoq Julie Rademacher ukioq kingullermili kalaallit politikkikkut eqqartorneqalernissaat ppisinnaatitaaffeqalernissaallu suliniutiginikuuaa. Kalaallit Nunaat pineqaraangat, demokratii pisinnaatitaaffiillu aamma pineqartarput.

Folketingimut qineqqusaarneq 2026 pingaaruteqarluinnarpoq - Danmarkimi Nunatsinnilu taamaallaat pingaaruteqanngilaq, kalaallinulli inuiattut aamma pingaaruteqarpoq.

Qinersinermi pisinnaatitaaffiit, sinniisoqarneq, ataqqineqarneq taavalu kalaallit qallunaat demokratiianni nunat assigiinngitsullu akornanni eqqartorneqartarnerat aamma pineqarput.

Folketingimut qinersinerup siornatigut siulittaasoq Julie Rademacher ima oqaaseqarpoq:

Maannakkorpiaq piffissaq inissisimaffigisatsinni Kalaallit Nunaat aatsaat taamak eqqartorneqartigaaq. Saniatigut kalaallit Danmark-imi najugallit amerlavallaartut imikkoortitaasarlutillu oqaatsitigut politikkikkullu sunniisoqartanngillat. Tamanna akuerineqarsinnaanngilaq. Maannakkut iliuuseqarnissamut piffissanngorpoq - symbolpolitikki taamaallaat pineqanngilaq, ulluinnarnili inuit atugarissaarnerulernissaat pineqarpoq.

Demokratii - inuit tusaaneqartanngitsunut aamma

Demokratii nukittooq peqataaffigineqartarlunilu sinniisoqartarpoq. Nipit tamarmik tusaaneqaraangata demokratii aatsaat ajunngitsumik ingerlasarpoq - aamma nipit ukiorpassuit iluini tusaarusunnikuunngisavut ilanngunneqaraangata.

Kalaallit 17.000-it missaanniittut Danmark-imi najugallit Danmark-imi innuttaassuseqarput. Saniatigulli aamma nunat inoqqaavinut ilaapput, namminerlu oqaaseqarlutik, kultureqarlutik oqaluttuarisaanikkullu kinaassuseqarlutik. Tamanna ataqqineqassaaq.

2026-imi Folketingimut qinersinerup demokratiikkut oqaloqatigiittarneq naligiissitaanerlu siuarsarsinnaavai - tamannalu saniatigut aalajangikkat kalaallinut sunniuteqartartut - Nunatsinni Danmark-imilu - ataqqinninnermik ataavartumillu sinaakkuserneqarlutik aalajangerneqartarnissaat qulakkeersinnaavaa.

Uagut-ip siunnersuutai - politikkikkut pilersaarut

2026-imi Folketingimut qinersinermut atatillugu Uagut-ip politikkikkut iliuuseqarnissaq siunnersuutigaa. Uani kalaallit nunat inoqqaavisut ikinnerussuteqartutullu akuerineqarnissaat, demokratiikkut sunniuteqarneq sinniisoqarnerlu, kalaallit oqaasii aamma nutserisoqarneq taavalu meeqqat, inuusuttut ilaqutariillu atugarissaarnerulernissaat ilaatigut pineqarput.

Ukiorpassuit iluini aningaasaliisarnerit taamaallaat atorneqartarsimapput, politikkikkulli qarsupiinnarneqartarnerput unitsinneqartariaqarpoq. Taamatut ataavartumik iliuuseqarneq inissaqartinnerussavarput.

Siunnersuutivut eqqarsaataannaanngillat - kalaallit Danmark-imi najugallit naligiisinneqarnissaannut pisinnaatitaaffeqalernissaannullu pingaaruteqarluinnarput.

Demokratiip tamatta pisariaqartippaatigut

Folketingimut qinersinermi politikkikkut suliniutit taamaallaat pineqanngillaq - inuiaqatigiiulluta sumut ingerlassanerluta aamma pineqarpoq. Inuiaqatigiiulluta innuttaasut tamarmik ataqqineqarnissaat inissaqartittariaqarparput.

Uagut-ip partiit tamarmik siunnersuutivut ataqqillugit iliuuseqarnissaat kaammattuutigaa. Taamatut demokratii, pisinnaatitaaffiit ataqqinninnerlu Danmark-imi ataavartumik atuutilersinnaavagut.

Uagut-ip qinersisut tamarmik Kalaallit Nunaat kalaallillu eqqarsaatigalugit marlunngorpat qinersinissaat kaammattuutigaa. Demokratii pingaaruteqarpoq - illit qinersinerit aamma pingaaruteqarpoq.

Attavissaq: Siulittaasoq Julie Rademacher

Uagut - Landsorganisationen for Grønlændere i Danmark

Mail: presse@uagut.dk

Oqarasuaat: +45 29 92 21 10

Uagut-ip 2026-imi Folketingimut qinersinermut atatillugu politikkikkut pilersaarutaa uani atuarsinnaavat.

Qinersisartunik ataatsimiititsinitsinni aamma peqataasinnaavutit. Ugguuna paasisaqarfiginerusinnaavatit.