Uagut-mi siuttoq, Julie Rademacher ima nassuiaavoq

Uagut-mi sulianut ataasiakkaanut ilanngunneq ajorpugut, erseqqissassavarpulli danskit kommuneqarfiini periutsinik allanngortitsinissaq pisariaqartutut isigigatsigut, FKU-millu misilitsinnerit kukkussutaasartut atorunnaarsinneqartariaqarmata, inatsisitiguinnaanngitsoq kisianni aamma piviusumi, kalaallit innuttaasut danskit oqartussaasuinik naapitsisarnerminni misigisartagaanni. 

Danskisut innuttaassuseqartut naligalugit kalaallit innuttaasut pineqartarnissaat kissaatigaarput, aamma uagut kalaallit assigiinngisitsineq naligiinngitsumillu pineqarneq misigisaqarfigerusunngilarput. Taamaattumik nuannaarutigaarput danskit isumaginninnermut ministeriata tamanna aamma pingaartimmagu, FKU-millu misilitsinnerit maanna unioqqutinneqartut atorneqarsimanerisa kingorna, pinngitsaaliilluni meeqqamik peersitsisimanermit Høje-Taastrupimit nassuiaatitsinissaq qinnutigisimammagu. 

Tamatuma peqatigisaanik Danmarkimi kommunit periutsiminnik allanngortitsinissaat, inatsimmillu nutaamik malinninnissaat kaammattuutigaarput, assigiinngisitsisoqannginnissaa anguniarlugu. Kalaallinut Danmarkimiittunut pingaartumik danskit oqartussaasuinik naapitsinermi toqqissisimasinnaanissarput innuttaasutullu akuerineqarsinnaanissarput pingaartuuvoq