Maannakkut politikkikkut pisoqarnera USA-llu præsidentiata sioorasaarinera pissutigalugit kalaallit amerlasuut psykologimit ikiorserneqarnissamik pisariaqartitsipput. 

Taamaattumik Uagut - Kalaallit Danmarkimi najugallit peqatigiiffiata kalaallit Nunatsinni Danmarkimilu najugallit ikiorserneqarnissaannut maannakkut iliuuseqalerpoq. 

“Piffissaq maannakkut inuuffigisarput aalassaffiuvoq. Kalaallit amerlasuut stresserput - ingammik meeqqat ilaqutariillu. Amerlasuut annilaangalersimapput sinilluarsinnaajunnaarsimallutillu. Kalaallit allaffigisarpaannga kalaaleqatiminnik oqaluussaqarusullutik tapersersorneqarusullutilluunniit,” siuliuttaasoq Julie Rademacher oqarpoq. 

Taamaattumik peqatigiiffik Nunatsinni Danmarkimilu iliuuseqalerpoq. Tamanna meeqqat inersimasullu atugarissaarnerulernissaat siunertaraa. 

“Kalaallit akornanni atugarissaarnerulernissaq maannakkorpiaq pisariaqartinneqarpoq - kalaallit Nunatsinni najugallit, kalaallillu 17.000-it Danmarkimi najugallit akornanni. Peqatigiiffiit arlallit suleqatigiillutik iliuuseqarnissaat pisariaqarpoq,” Julie Rademacher oqarpoq. 

Suleqatit peqatigiiffiillu tapersersueqataasut

Peqatigiiffiup suliniutaa UNICEF Kalaallit Nunaat-nit, Red Barnet-imit, Kalaallit Illuutaannit, Headspace-mit, Kalaallit Meerartaannit taavalu Nunatsinni Danmarkimilu oqartussaasunit tapersersorneqarpoq. Ukunani amerlasuut pilersaarummik aaqqissueqataapput, Danmarkimilu illoqafiit annerit arfinillit ukkatarineqassallutik. 

“Piffissami aalassaffiusumi kalaallit atugarissaarnerulernissaat ukkatarineqassaaq, ingammik kalaallisut qallunaatullu siunnersortissinnaaneq eqqarsaatigalugu,” Julie Rademacher oqarpoq. 

Piaartumik ataavartumillu iliuuseqarneq

Pilersaarusiortut nuna tamakkerlugu ima iliuuseqartoqarnissaa siunnersuutigaat:

Piaartumik iliuuseqarneq: Ataatsimoorneq oqaloqateqarnerlu

Kalaallisut qallunaatullu ikiorserneqarneq

Kalaallit Illuutaat peqatigalugit nereqatigiinneq, saqqummiinerit, erinarsoqatigiinneq ataatsimoornerlu. Misigisat oqaatsillu assigiinngitsut atugaralugit tamanna ingerlanneqassaaq

Palasit Nunatsinneersut kajumissutsiminnillu sulisut peqatigalugit ikiorsiineq

Ataavartumik iliuuseqarneq: Attaveqarfiit aqqutigalugit

Nunatsinni Danmarkimilu upalungaarsimasoqarnissaq

Paasissutissanik (allakkatigut qarasaasiakkullu) kalaallisoortunik qallunaatoortunillu siammarterineq - ass. filmiaqqat, tusagassiuutitigut, SoMe-kkullu

Nammineq kajumissutsiminnik kalaallit tapersersorlugit suleqataarusuttut. 

Qallunaat kalaallillu peqatigiiffii amerlasuut tapersersuisut

Peqatigiiffiit tapersersuisut assigiinngitsut ukuupput: 

Kalaallit Nunaanni: 

Oqartussaasut
Kalaallit Meerartaat
UNICEF Kalaallit Nunaat
Folk & Sikkerhed

Danmarkimi:

Oqartussaasut
Headspace
Red Barnet
Kalaallit Meerartaat Danmark
Kalaallit Illuutaat
Danmarkimi kalaallit palasiat

Paasissutissiineq

Paasissutissat qallunaatoortut kalaallisoortullu www.uagut.dk/krisehjaelp-ikkut saqqummiunneqarumaarlutillu siammarterneqarumaarput.  

Aningaasaliisussarsiorpugut

Paasissutissiinermut aningaasaliiumasunik ujarlerpugut. 

Paasissutissiineq Kalaallit Nunaanni aamma Danmarkimi illoqarfinni anginerni ingerlanneqassaaq, quppersagaaqqat ingammik aqqutigalugit. 

Paasissutissiineq aningaasaliiffigerusukkukku info@uagut.dk allaffigisinnaavat. 

Tusagassiortunut saaffissaq

Tusagassiortut siulittaasoq Julie Rademacher allaffigalugu pilersaarut pillugu paasisaqarnerusinnaapput. Tamanna info@uagut.dk aqqutigalugu pissaaq.