Naak Folketingimut qineqqusaarneq 2026-imut atatillugu ulloq qinersivimmi ataatsimeersuartussaasimalluta, ataatsimeersuarnerput naammassilluarparput.

Ataatsimeersuarnitsinni Uagut-ip ukioq kingulleq tunngavilerneqarneranit ilaasortanit, kajumissutsminnik sulisunit peqatigiiffiillu allani tapersersorneqarluarsimanera erseqqissarneqarpoq. Ikiuisunut tapersersuisunullu tamassinnut qujanaq - siunissami kalaallit Danmark-imi najugallit pisinnaatitaaffeqarnerulernissaat ataatsimoorsinnaanissaallu tapersersorpasi.

Saniatigut siulersuisuni ilaasortat nutaat marluk tikilluaqqusinnaagatsigit nuannaarutigaarput: Minik Rosing aamma Jens Heinrich. Ilaasortat nutaat kalaallit Danmark-imi atugarissaarnerulernissaat tapersersorumavaat, namminnerlu assigiinngitsunik piginnaasaqarlutik.

Jens Heinrich oqaluttuarisaanermik ilisimatusartuuvoq Kalaallit Nunaatalu Sinniisoqarfiani København-imi pisortaalluni. Jens Heinrich-ip Kalaallit Nunaata nutarterneqarnera Danmark-imullu atassuteqarnera pillugit ilisimatusarsimavoq. Saniatigut Saammaateqatigiinnissamut Isumalioqatigiissitami qitiusumik suliaqarsimavoq.

Minik Thorleif Rosing Globe Institute-mi København-ip Universitet-iani geologii-mik professoriuvoq. Galathea 3-p ilisimasassarsiornerani aqutsisuusimavoq. Sulinermini Nuup eqqaani Isuani nunarsuarmi uumassusillit siullernut uppernarsaatit nassaarisimavai. Miniup Uagut-imi ilaasortanngornerata aallarnerfigalugu siulittaasunngussaaq.

Siulittaasorisimasarput Julie Rademacher-ip peqatigiiffitsinni sulisarnini ingerlatiinnassavaa, siunissamilu pisortaassalluni.

Minik aamma Jens uummammit pisumik tikilluaqquagut, ukioq tullinnguuttumi nutaanik misigisaqaqatigiinnissatsinnut qilanaalereerluta.