Oqalugiaat:

Tamassi ullumi peqataasusi takusinnaallugu nuanneq!

Ullumi ataatsimoornerput uatsinnut taamaallaat pingaaruteqanngilaq

Qujanarujussuaq ataatsimooqatigigatsigut!

Ullut kingulliit inuiaat kalaallinut sakkortusimaqaat

Taamaattumik ullumi ataatsimoorsinnaanerput pingaaruteqarluinnarpoq – nunanilu allani tapersersorneqarnerput aamma pingaaruteqarluinnarluni: Qallunaanit, tyskinit amerikamiunillu. 

Qujanaq ullumi peqataarusukkassi. 

Asasakka nunaqqatikka:

Pisut akiorsinnaanerussagassigit anersaaq Silap pissaanera Danmark-imit Nunatsinnut ullumi nassiupparput:

Nuummiittusi, Ilulissaniittusi, Qaqortumiittusi, Qaanaamiittusi, Ittoqqortoormiiniittusi – tamassi Kalaallit Nunatsinniittusi inuulluaqquatsigit!

Ima oqarfigerusuppatsigit:

• Qiaqatigivatsigit

• Misiginneqatigivatsigit

• Sorsuutigivatsigit

• Akiuivugut

• Ersinerup uatsinnut sunniuteqartussaannginnera erseqqissarparput. Qunusaarneqaraangatta asanninneq eqqissisimanerlu nassaarissavagut.

Qallunaanut tamanut, ikinngutitaannut USA-meersumut ullumi ingiaqatigisannut Alex-imut – nunarsuarmut tamanut – oqarusuppugut: Tapersersuinersi pingaaruteqarluinnarpoq, Nunatsinni nunanilu allani. 

Uagut kalaallit nammineq aalajanginngisatsinnik naleqartitat ukua maannakkorpiaq sorsuutigisariaqalersimavagut:

• Demokratii

• Kiffaanngissuseq

• Inuillu pisinnaatitaaffii

Ullumi tapersersuinersi uagut sorsuutigisatsinnut nunarsuarmullu pingaaruteqarluinnarpoq. 

Uagut kalaallit siulivut Issittup pinngortitaani ukiut 100-likkuutaat iluini inuusinnaasimapput – nukiit atorsimasaat atorlugit ullumi akerliussutsimik takutitsivugut

Meeqqavut kingulivullu sorsuutigalugit akerliussutsimik takutitsivugut

Demokratii kiffaanngissuserlu tapersersoratsigit – Kalaallit Nunaat tapersersoratsigu

Amerikamiut aallartitaqarfiannut saariarluta ima oqaaseqarta:

”Dear World
Dear americans
You are better than Donald
You can do better than Donroe
We don’t want to fear you

But we send you this message from the leader of Greenland Jens-Frederik Nielsen and shows our support here from Copenhagen and all over Denmark

• We don’t want to be owned by the United States!

• We don’t want to be controlled by the United States!

• We don’t want to be part of the United States!

• We want to be Greenlanders!”

Kalaallit Nunaat ullumikkut nalunngisarput pigiinnarusupparput – Kalaallit Nunaallu taanna Kunngeqarfik Danmarkimut atassuteqarpoq

Kunngeqarfiup tamaat tapersersuineranut qujanarujussuaq – qallunaat statsministeriannut politikeriannullu aamma.

Qujanaq tunniutiinnannginnassi

Ersileraangatta ataatsimoortarpugut – Nunatsinnullu nunaqqatitsinnullu asanninnerput nukigalugu akerliliivugut

Ukiorpassuit Issittumi inuusinnaasimavugut

Taamaattumillu maannakkut pisut aamma anigorsinnaavagut

Pisut unissanngippata

Sioorasaarineq qunusaarinerlu unissanngippata

Maanga uteqqikkumaarpugut

Ataatsimooqqikkumaarpugut

Aniguisinnaanerput takutikkumallugu

Tusaavisinga?

Aniguisinnaavugut – Kalaallit Nunaat tapersersorparput

Kalaallit Nunaat, Kalaallit Nunaat, Kalaallit Nunaat, Kalaallit Nunaat

Ullumikkut qujanarujussuaq

Soorunami neriuppugut takoqqittariaqassanata – qutsavigerujuppassili!

– Julie Rademacher, Uagut-imi siulittaasoq