Uagut-ip pisut immikkut ittut nalinginnaasumik iserfigineq ajorpai. Danmark-imili kalaallinik immikkoortitsisarneq akuerineqarsinnaanngivinnera erseqqissarparput.

Qujanartumik Danmark-imi kommunini FKU-testit atorunnaarsinneqarsimapput; inatsisitiguinnaanngitsoq, Danmark-imili oqartussaasut akornanni aamma.

Uagut-imi kalaallit Danmark-imi najugallit innuttaasut allat assinganik pineqartarnissaat kissaatigaarput. Kalaaliunerput patsiseralugu immikkoortitaajumanngilagut.

Saniatigut Danmark-imi kommunit inatsit nutaat maleqqullu kaammattorusuppagut. Taamatut kalaallit immikkoortitaasarnerat unitsinneqarsinnaassaaq.

Kalaallit Danmark-imi najugallit toqqissisimallutik Danmark-imi inuusinnaasussaapput - minnerunngitsumik qallunaat oqartussaasui akornanni.

Eqqartuussiveqarfiup ingerlalluarneqarnissaa pingaaruteqarluinnarpoq, oqartussaasut aalajangernikuusaat tassani misissorneqartussaammata.

Piffissaq inissisimaffigisatsinni nunani assigiinngitsuni demokratii, inuit pisinnaatitaafii kiisalu inatsiseqarnikkut tunngaviit sumiginnarneqaraluttuinnarput. Taamaattumik naleqartitavut illersortariaqarpagit.

Kalaallit Danmark-imi najugallit inatsiseqarnikkut illersorneqartarnissaat assinganik pingaaruteqarpoq - minnerunngitsumik illersuiseqarnermut (bisidder-eqarnissamut) oqalutseqarnermullu.

Isumaqatigiissut ILO-168 naapertorlugu naalagaaffiup, regionit, kommunillu kalaallit (Inuit) Danmark-imi immikkut ittumik pisinnaatitaaffeqarnerat eqqaamasariaqarpaat.

Kalaallit Danmark-imi najugallit qallunaat oqartussaasui akornanni toqqissisimanerulernissaat anguniagaralugu oqaloqatigiinnissamut suleqatigiinnissamullu piareersimavugut