Aqagu pingasunngornikkut martsip 4-ani 2026 nal. 10.00 Uagut-ip siulittaasuata, Julie Rademacher-ip, Københavnimi Lars Løkke Rasmussen allornerit 10.000-it pisoqatigissavaa.

Kalaallit peqataarusuttut tamarmik tikilluaqqusaapput!

Pisunnitsinni qallunaat kalaallillu akornanni saammaateqatigiinneq siunissamilu ataatsimoornerulernissaat eqqartussavagut. 

Piumaguit Lars Løkke Rasmussen kalaallit Danmark-imi najugallit pisinnaatitaaffii qanoq pitsarsarneqarsinnaanerat pillugu apersorsinnaavat. 

Anguniakkat ukua angussagutsigit ikioqatigiilluta ataavartumik iliuuseqartariaqarpugut:

• Nuna tamakkerlugu iliuuseqarneq

• Kalaallit kulturiat tapersersorniarlugu aningaasaliineq

• Kalaallit meerartaat inuusuttortaalu kalaallit oqaasiinik ilitsersuunneqartarnissaat

• Kalaallit Danmark-imi amerlanerusunik palaseqarnissaat, oqartussaasut akornanni nutserisoqartarnissaat taavalu kalaallit inatsisilerinermut ilanngunneqartarnissaat

• Minnerunngitsumillu: Kalaallinik sinniisoqartarnissaq, saammaateqatigiinneq, nunat inoqqaavisa pisinnaatitaaffeqarnissaat taavalu kalaallit ikinnerussuteqartutut akuerineqarnissaat. 

Julie Rademacher-ip Lars Løkke Rasmussen-illu pisunnertik Christianshavn-imi Nordatlantens Brygge-mi aallartissaavaat, ilaatigut Christiansborg, Nationalmuseet, Uagut-ip allaffia taavalu København-imi Kalaallit Illuutaat aqqusaassallugit.

Qineqqusaarnerup nalaani partiit assigiinngitsut sammisassaqartitsineranni Uagut peqataassaaq, assersuutigalugit: Kalaallit Danmark-imi najugallit pillugit, kalaallit kulturiat pillugu taavalu oqaluttuarisaaneq kulturimillu paasinninneq pillugit sammisassaqartitsinerni. 

Pingasunngorpat aqqut tamaat ilaannaaluunniit pisussinnaavat.

Pisoqataarusukkuit uunga nalunaarsinnaavutit: ataatsimoorneq@uagut.dk