Aggustip 9-iani 2026 - FN-ip Nunat Inoqqaavisa Ulluannut atatillugu - Uagut peqatigiiffiillu allat Københavns Havn-imi qajartoqatigiinnissamut qaaqqusipput.

Kalaallit Nunaat, inuiaat kalaallit kiisalu Danmark-ip Kalaallit Nunaatalu naalagaaffeqatigiinnerat nalliuttorsiorniarlugit Nordatlantens Brygge-mit Ofelia Plads-ikkoorluta Nordhavns Bassin-imut qajartoqatigiissaagut.

Qajartortuni erinarsoqatigiit INUANIMA saarliussapput. Erinarsoqatigiinni nipilersortartoq affarmik kalaaleq, Aviaja Lumholt, umiarlummi takutitsissaaq. Taamaatilerutta erinarsoqatigiit INUANIMA erinarsorlutillu takutitsissapput.

Nammineq qajat nassarlugu imaluunniit qajaq attartorlugu peqataasinnaavutit.

Uagut-imi ilaasortat namminneq qajatik nassarlugit akeqanngitsumik peqataasinnaapput - ataatsimoorneq@uagut.dk allaffigalugu nalunaassaatit. Maili “Kajakparade”-mik qulequtserlugu peqataasussat amerlassusaat allassavat. 

Peqataarusuttut Uagut-imi ilaasortaanngitsut ugguuna nalunaassapput: https://ms.dk/da/kajakparade/gl

Paasissutissat

Ulloq: Aggustip 9-iat 2026

Aallartiffissaq: Nordatlantens Brygge, nal. 13.30

Aqqut: Nordatlantens Brygge - Ofelia Plads - Sandkaj Nordhavns Bassin-ip eqqaani

Aaqqissuussisut tassaapput Uagut - Landsorganisationen for Grønlændere i Danmark - aamma Mellemfolkeligt Samvirke. Peqatigiiffiit taakkua marluk suleqatigiillutik Kalaallit Nunaat pillugu paasititsiniaarusupput kiisalu kalaallit qallunaallu akornanni ataatsimoorfissanik pinngortitserusullutik.

Qajartoqatigiinnermi Kajakhotellet, Stromma, København-imi Kalaallit Illuutaat, Qajak København, Namminersorlutik Oqartussat, Kulturdistriket.dk kiisalu By & Havn aaqqissuusseqataapput.

Paasissutissat nutaat Uagut-ip attaveqaataatigut saqqummiunneqarumaarput.