Taamaattumik kalaallit Danmarkimiittunut nuna tamakkerlugu kattuffik, kommunit nunallu immikkoortuisa kalaallinut Danmarkimiittunut sunniuteqarfigisinnaasaannik qulinik siunnersuusiorpoq.

Uagut kommunalbestyrelsimut nunallu immikkoortuinut qinersinissaq sioqqullugu nuna tamakkerlugu qinigassanngortittunut kaammattuivoq, kalaallinut Danmarkimiittunut naligiinnerusumik peqataatitsisumillu periuseqaqqullugit.

Kommunit nunallu immikkoortuisa kalaallit Danmarkimi atugarissaarnerat, peqataatinneqarnerat pisinnaatitaaffiilu qanoq pitsanngorsarsinnaanerannut Uagut qulinik siunnersuuteqarpoq.

"Kalaallit Danmarkimiittut suli isummereersimanernik, oqaatsitigut ajornartorsiutinik inuiaqatigiinnilu unammilligassanik najukkami aaqqinneqarsinnaasunik aaqqinneqartariaqartunillu nalaataqartarput. Kalaallinut Danmarkimiittunut tigussaasumik allanngortitsisoqarnissaanut politikkikkut sapiissuseqarnissaq piumassuseqarnissarlu kissaatigaarput," Julie Rademacher, Uagut oqaaseqartartuat oqarpoq.

Kommunini nunallu immikkoortuini qinigassanngortittunut siunnersuussutit qulit

1. Naligiissitaaneq ataqqinninnerlu

• Kalaallinut assigiinngisitsineq, race tunngavigalugu nikassaaneq aamma isummereersimaneq akiorneqarnissaat.

• Kalaallit ILO 169 naapertorlugu immikkut pisinnaatitaaffilittut akuerineqarnissaat.

2. Oqaatsit attaveqaqatigiinnerlu

• Innuttaasunik sullissinermi peqqinnissaqarfimmilu kalaallit danskillu oqaasiisa akornanni nutserinermik neqerooruteqarnissaq.

• Kommunip digitalikkut aaqqiissutai paasissutissiissutillu kalaallisut pissarsiarineqarsinnaanngortinnissaat.

• Kalaallit oqaasii nunap inoqqaavisa oqaasii allat assigalugit isumalluutissatut akuerineqarnissaat.

3. Ilinniartitaaneq Kinaassuserlu

• Meeqqanut inuusuttunullu kalaallinut, kalaallit oqaasiinik atuartitsinerup neqeroorutigineqarnissaa.

• Qallunaatut kalaallisullu oqaasilinnik cafémi ilinniakkereqatigiittarfiit ilikkagaqarnissarlu anguniarlugu naapeqatigiittarfiit tapersersorneqarnissaat.

• Inuusuttut siunnersuisoqatigiivini suliniutinilu demokratiskiusunilu kalaallit inuusuttut peqataatinneqartarnissaat.

4. Peqqinneq atugarissaarnerlu

• Kulturikkut paasinnittaaseqarluni isumaginninnermut ikiorneqarnissaq aamma aanngajaarniutinik atornerluisunut katsorsaanissamik neqerooruteqarneq.

• Kalaallinut ajornartorsiortunut ineqarnermut aaqqiissutissanik aamma pilertortumik inissianik pilersitsineq.

• Kalaallinut tikerlaanut pinngortitami katsorsaasarnerit avatangiisinilu sammisassaqartitsinerit pillugit saqqummiisarneq.

5. Isumaginninneq tapersersuinerlu

• Kalaallinut tikerlaanut tikilluaqqussutinik sungiussinissamullu neqeroorutinik piareersaaneq.

• Oqarasuaammik, kalaallisut qallunaatullu oqaatsit atorlugit ulloq unnuarlu sianerfigineqarsinnaasumik pilersitsineq.

• Ataatsimoornermik misigissuseq siuarsarniarlugu peqatigiiffinnut sunngiffimmilu sammisassanut ammaaneq.

6. Sulineq aamma suliffeqarneq

• Kalaallinut inuusuttunut siunnersuisarfinnik pilersitsineq.

• Sumiiffinni suliffeqarfiit suleqatigalugit praktikkernissamut suliffissanullu programminik neqerooruteqarneq.

• Kalaallit angerlarusuttut piginnaanngorsarneqarnerisigut tapersersorneqarnerisigullu ikiorneqarnissaat.

7. Kulturi aamma saqqumilaassuseq

• Kalaallit Inuiattut ullorsiorfiat 21. juni kommunini ileqquusutut malunnartinneqartarnissaa.

• Kalaallit Nunaat sapaatip-akunnerani imaluunniit kulturikkut aaqqissuussinerni malunnartinneqartarnissaa, nipilersorneq, nerisassaqartitsineq eqqumiitsuliallu sammineqarlutik.

• Kalaallit eqqumiitsuliortut kattuffiillu kommunip kulturikkut politikkianut ilanngunneqarnissaat.

8. Meeqqat, inuusuttut ilaqutariillu

• Ilaqutariinnut suliniutinik meeqqat atugarissaarnissaannik naligiissitaanermillu nukittorsaasunik neqerooruteqarneq.

• Kalaallit meerartaannut inuusuttuaqqanullu immikkut ittumik sunngiffimmi atuartitsinermilu suliniutinik pilersitsineq.

• Ilaqutariinnut kalaallisut siunnersorneqarnissamik periarfissiinissaq

9. Suleqatigiinnerit

• Kalaallit Nunaanni Danmarkimilu kommunitut ikinngutigiittut isumaqatigiissutit nutarterneqarnissaat annertusarneqarnissaallu

• Kalaallit Illuutaat aammalu najukkami suliaqartartut suleqatiginissaat.

• Innuttaasunut, suliffeqarfinnut inuusuttunullu paarlaasseqatigiinnissamut programminik pilersitsineq

10. Politikkikkut akisussaaqataaneq ilisimasanillu avitseqatigiinneq 

• Innuttaasut Kalaallit Nunaanniit Danmarkimut nuunneranni kommunit siusissukkut nalunaarfigineqartarnissaannik qulakkeerineq.

• Kalaallit qallunaallu attaveqatigiinnerat pillugu ilisimasanik paarlaasseqatigiinnissamut kommunit akornanni oqallittarfinnik pilersitsineq.

• Kalaallit kulturiat oqaluttuarisaanerlu pillugit sulisunut aqutsisunullu piginnaanngorsaanermik neqerooruteqarneq.

Uagut kaammattuivoq qinigassanngortittut kommunillu naligiissitaanermut peqataatitsinermullu suliaminni siunnersuutinik atuinissaat — qineqqusaarnerminni aamma ulluinnarni politikkimi. 

"Politikki kisiat pineqanngilaq, inuilli tunngavigineqarput. Danskinut politikerinut innersuutigaarput akisussaaffimmik tiguseqqullugit kalaallinullu innuttaasunut ataqqinninnerminnik, paasinninnerminnik naligiimmillu periarfissiinerminnik takutitseqqullugit", Julie Rademacher Uaugt-imi siulittaasoq ilanngullugu oqarpoq.